Ерекше білім беру қажеттілігі бар балаларға арналған «Әлем қандай әдемі» облыстық байқауы қорытындыланды.
Байқаудың мақсаты: ерекше білім беру қажеттілігі бар балаларды шығармашылық іс – әрекетке тарту және интеллектуалды шығармашылығын дамыту болды.
Байқауға қалалық, аудандық білім бөлімдеріне қарасты жалпы білім беретін мектептер, №2 Арнайы мектеп-интернаты, Облыстық арнайы мектеп-интернаты, Тіл мүкістігі бар балаларға арналған №3 облыстық арнайы мектеп-интернатының ерекше білім беру қажеттілігі бар 1 – 9 – сынып оқушылары қатысты.
Байқау төмендегі номинациялар бойынша өткізілді:
1 – 4 – сыныптар үшін:
«Туған жер – алтын бесігім» (пейзаж қыл қаламмен сурет салу);
«Сиқырлы бисерлер» (түрлі түсті моншақтардан композиция жасау);
«Пластикалық ғарыш» (ғарыш тақырыбына ермексазбен 3Д эфект арқылы туынды жасау);
«Лего және біз» (лего құрастырғыштардың көмегімен ғажайыптар қаласын құрастыру);
5 – 9 – сыныптар үшін:
«Достық-татулық» (бейне жазба жасап, дайындау);
«Қолөнер – зор өнер» (заманауи үлгідегі интерьердің ерекше дизайн-жобасын әзірлеу); «Оригамидің шексіз әлемі» (түрлі қағаздардан қиялдан туындаған қолөнер туындысын ұсыну);
«Роботтар біздің өмірімізде» (робототехника құрылғысы арқылы тұрмысқа қажетті роботтарды ойлап шығару);
«Туған жер – алтын бесігім» (пейзаж қыл қаламмен сурет салу).
Байқау қорытындысын келесі суреттерден біле аласыздар.
Жеңімпаздарымызды және олардың жетекшілерін орталық атынан шын жүректен құттықтаймыз!
