27 – қазан күні жас педагогтер арасында «Дарынды балаларға – талантты ұстаз» педагогикалық олимпиадасының облыстық кезеңі өтуде.
Педагогикалық олимпиаданың мақсаты – жас педагог қызметкерлердің шығармашылық әлеуетін және өзін-өзі дамыту үшін жағдай жасау; білім беру жүйесін жетілдіруге жас мұғалімдердің кәсіби көзқарасын қалыптастыру.
Олимпиадаға облыс бойынша 28 жас маман қатысып жатыр.
Олимпиада төменде көрсетілген төрт бағыт бойынша өткізілуде:
– Жас педагогтер (гуманитарлық бағыты)
– Жас педагогтер (жаратылыстану бағыты)
– Жас психологтер
– Жас тәлімгерлер
Қатысушылар бірінші кезеңде өзін-өзі таныстырса, екінші кезеңде арнайы ұсынылған тақырыптар бойынша жобаларын қорғайды.
Қатысушыларға сәттілік тілейміз!
