Жалпы білім беретін пәндер бойынша Республикалық ғылыми жобалар конкурсының облыстық кезеңі 9 – 10 – қараша күндері өтетінін хабарлаймыз.
Мақсаты – оқушылардың зияткерлік әлеуетін қалыптастыру, дарынды зерттеушілерді іріктеу және қолдау, үздік өнертабыстарды көрсету және насихаттау.
Конкурсқа 16 секцияда 4 бағыт бойынша жұмыстар ұсынылған:
I бағыт «Ғылыми-техникалық прогресс экономикалық өсудің негізгі буыны ретінде»- секциялар: физика, техника, Жер және ғарыш туралы;
II бағыт «Экономикалық және әлеуметтік үрдістерді математикалық модельдеу» – секциялар: математика, қолданбалы математика, информатика, экономика.
III бағыт «Салауатты табиғи орта – «Қазақстан-2030» Стратегиясын жузеге асырудың негізі» – секциялар: химия, биология, қоршаған ортаны
қорғау және адам денсаулығы.
IV бағыт «Қазақстанның тарихи ескерткіштері және перспективалы
туристік маршруттар» – секциялар: тарих, өлкетану, этномәдениеттану, тіл білімі, адам және қоғам, әдебиет.
Жобалар байқауына плагиаттан өткен 154 жұмыс қорғауға жіберілді. Ғылымға бет бұрған жас ғалымдарға сәттілік тілейміз!
