Бүгін, 25 наурыз күні, Таланттарды анықтау және қолдау орталығының ұйымдастыруымен қоғамдық-гуманитарлық бағытындағы пәндері бойынша республикалық олимпиадаға жолдама алған оқушыларды дайындайтын «Он күндік» жобасы басталды.
Жобаға қатысушы оқушылар 25 наурыз бен 3 сәуір аралығында облысымыздың тәжірибелі мұғалімдерінен сабақтар алып, олимпиадаға дайындықтарын пысықтамақ.
Сондай-ақ облысымыздың ауылдық жерінде тұратын оқушылар үшін жатақхана ұйымдастырылды және барлық оқушылар тегін тамақтанады.
«Он күндік» жобасы Атырау облыстық дарынды балаларға арналған мамандандырылған мектеп-лицейінің ғимараты (қоғамдық-гуманитарлық) мен “Білім-Инновация” лицейінде өтіп жатыр.
Айта кетейік, жаратылыстану бағытындағы пәндер бойынша дайындық жұмыстары наурыздың 23-і басталып кетті. Бұл бағыт бойынша оқушыларды Нұр-Сұлтан қаласынан келген «Edlight» академиясының мамандары дайындауда.
