18 тамызында «Дарынды балаларды оқыту мен тәрбиелеудің ерекшеліктері» атты мамандандырылған білім беру ұйымдарының психологтарына арналған республикалық вебинар өтті.
ҚР Білім және ғылым министрлігінің «Дарын» республикалық ғылыми-практикалық орталығы ұйымдастырған вебинарға Таланттарды анықтау және қолдау орталығының әдіскері, психолог Орынгүл Қоңқаева қатысты.
Вебинардың мақсаты – білім беру үрдісінде дарынды балаларды оқыту және тәрбиелеу мәселесі бойынша психологтардың кәсіби құзыреттілігінің деңгейін арттыру. Жалпы дарынды және талантты балаларды анықтау, оқыту және тәрбиелеу – білім беру жүйесін жетілдірудің басты міндеттерінің бірі. Дарынды балаларды психологиялық-педагогикалық қолдау олардың жеке тұлғасын жан-жақты кешенді зерттеуге және дамытуға бағытталуы керек.
Вебинарда Л.Гумилев атындағы Еуразия ұлттық университетінің ғалымдары – Мамбеталина А.С. психлогия ғылымының кандидаты, Л.Гумилев атындағы ЕҰУ психология кафедрасының меңгерушісі; Байжұманова Б.Ш. Л.Гумилев атындағы ЕҰУ психология кафедрасының доценті және мамандандырылған білім беру ұйымдарының жетекші психологтары өз тәжірибелерімен бөлісті.
