Желтоқсан айында 11 (12) сынып оқушылары арасында өткізілген жаратылыстану – математика циклы пәндері бойынша ХІІІ Президенттік олимпиадасында атыраулық оқушы Серікқали Арай ІІІ орын иеленді.
Төрт бірдей пән – математика, физика, химия, биология пәндері бойынша өткен олимпиада қорытындысы бойынша еліміздегі ең үздік үштіктің қатарына енген А. Серікқали – Атырау облысы дарынды балаларға арналған мамандандырылған мектеп лицей интернатының 11В сынып оқушысы.
Арайды төрт пән бойынша өзі оқитын мектеп-лицейдің 4 ұстазы дайындаған.
Айта кетейік, Президенттік олимпиада Қазақстан Республикасының Тәуелсіздігі және Тұңғыш Президенті күндеріне арналған іс-шаралар аясында ұйымдастырылған болатын. 13 жыл ішінде Олимпиадаға 31 мыңнан астам бала қатысқан екен.
Президенттік олимпиада үш кезеңде өтті: өңірлік, іріктеу және қорытынды кезеңдері. Өңірлік кезеңде – 151 оқушы, іріктеу кезеңінде – 19 және қорытынды кезеңге 10 оқушы қатысты.
